SAJAK

NU MIANG

Sajak Godi Suwarna

Jalan nanjak sanggeus girimis miripis
Aya nu gugupay ti péngkolan : Saha?
Jungkrang nu ngalungkawing, atawa
Simpé taya sasaha, taya sasaha

Aya nu ditinggakeun, ceuk anjeun
Aya nu ditinggalkeun tapi urang geus sadia
Bebenah pikeun nandangan tunggara
Bebenah pikeun simpé dina haté

Ngaliwatan tihang-tihang kilométer
Nyemprung rék mapagkeun beungeut peuting
Urang kudu sadrah tumarima
Sabab jogjog geus dikeprak tina dahan pamondokan

(1978)